‍

ਮੈਨੂੰ ਸਾਡੀ ਸਰਕਾਰ ਵੱਲੋਂ ਅਮੀਰਾ ਐਲਘਾਵਾਭੀ ਨੂੰ ਇਸਲਾਮਫੋਬੀਆ ਦਾ ਮੁਕਾਬਲਾ ਕਰਨ ਲਈ ਪਹਿਲੇ ਵਿਸ਼ੇਸ਼ ਨੁਮਾਇੰਦੇ ਵਜੋਂ ਨਿਯੁਕਤ ਕੀਤੇ ਜਾਣ 'ਤੇ ਮਾਣ ਹੈ। ਅਮੀਰਾ ਦੀ ਨਿਯੁਕਤੀ ਇੱਕ ਮਜ਼ਬੂਤ ਸੰਦੇਸ਼ ਦਿੰਦੀ ਹੈ ਕਿ ਸਾਡੀ ਸਰਕਾਰ ਸਾਰੇ ਕੈਨੇਡੀਅਨਾਂ ਵਾਸਤੇ ਬਰਾਬਰਤਾ ਅਤੇ ਸ਼ਮੂਲੀਅਤ ਨੂੰ ਉਤਸ਼ਾਹਤ ਕਰਨ ਲਈ ਵਚਨਬੱਧ ਹੈ, ਚਾਹੇ ਉਹਨਾਂ ਦਾ ਵਿਸ਼ਵਾਸ ਜਾਂ ਪਿਛੋਕੜ ਜੋ ਵੀ ਹੋਵੇ।

ਬਦਕਿਸਮਤੀ ਨਾਲ, ਇਸ ਨਿਯੁਕਤੀ ਪ੍ਰਤੀ ਪ੍ਰਤੀਕਿਰਿਆ ਅਤੇ ਕੁਝ ਲੋਕਾਂ ਦੁਆਰਾ ਨਿਰਣੇ ਲਈ ਕਾਹਲੀ ਨਸਲਵਾਦ ਅਤੇ ਪੱਖਪਾਤ ਦੇ ਡੂੰਘੇ ਮੁੱਦਿਆਂ ਦਾ ਸੰਕੇਤ ਹੈ ਜੋ ਅਜੇ ਵੀ ਸਾਡੇ ਸਮਾਜ ਵਿੱਚ ਮੌਜੂਦ ਹਨ - ਇੱਥੋਂ ਤੱਕ ਕਿ ਸਾਡੇ ਚੁਣੇ ਹੋਏ ਨੁਮਾਇੰਦਿਆਂ ਵਿੱਚ ਵੀ। ਬਹੁਤ ਲੰਬੇ ਸਮੇਂ ਤੋਂ, ਨਸਲੀਕਿਰਤ ਕੈਨੇਡੀਅਨਾਂ, ਖਾਸ ਕਰਕੇ ਨਸਲੀਕਿਰਤ ਔਰਤਾਂ ਨਾਲ ਦੂਜੇ-ਦਰਜੇ ਦੇ ਨਾਗਰਿਕਾਂ ਵਜੋਂ ਵਿਵਹਾਰ ਕੀਤਾ ਜਾਂਦਾ ਰਿਹਾ ਹੈ, ਜੋ ਕਾਰਜ-ਸਥਾਨ ਵਿੱਚ ਮੌਕਿਆਂ ਅਤੇ ਪਰੇਸ਼ਾਨੀਆਂ ਵਿੱਚ ਨਾ-ਬਰਾਬਰੀ ਦਾ ਸਾਹਮਣਾ ਕਰ ਰਹੇ ਹਨ। ਇਹ ਬਹੁ-ਪੀੜ੍ਹੀ ਸੰਘਰਸ਼ ਹੈ। ਮੇਰੇ ਆਪਣੇ ਪਰਿਵਾਰ ਨੂੰ ਕੈਨੇਡਾ ਵਿੱਚ ਨਸਲੀਕਿਰਤ ਕੀਤੇ ਜਾਣ ਦੀਆਂ ਮੁਸ਼ਕਿਲਾਂ ਅਤੇ ਅਨਿਆਂ ਦਾ ਤਜ਼ਰਬਾ ਹੋਇਆ ਹੈ। ਕੁਝ ਸਮਾਂ ਪਹਿਲਾਂ, ਸਿੱਖ ਦਸਤਾਰ ਪਹਿਨਣ ਦਾ ਮਤਲਬ ਇਹ ਸੀ ਕਿ ਤੁਸੀਂ ਟੈਕਸੀ ਨਹੀਂ ਚਲਾ ਸਕਦੇ ਜਾਂ ਇੱਥੇ ਕੈਲਗਰੀ ਵਿੱਚ ਪੁਲਿਸ ਫੋਰਸ ਵਿੱਚ ਸ਼ਾਮਲ ਨਹੀਂ ਹੋ ਸਕਦੇ।

ਚੁਣੌਤੀਆਂ ਦੇ ਬਾਵਜੂਦ, ਪ੍ਰਗਤੀ ਸੰਭਵ ਹੈ। ਪਰ ਇਸ ਲਈ ਸਾਨੂੰ ਸਾਰਿਆਂ ਨੂੰ ਨਫ਼ਰਤ ਅਤੇ ਕੱਟੜਤਾ ਦੇ ਵਿਰੁੱਧ ਖੜ੍ਹੇ ਹੋਣ ਦੀ ਲੋੜ ਹੈ। ਸਾਡਾ ਦੇਸ਼ ਵੰਨ-ਸੁਵੰਨਾ ਹੈ ਅਤੇ ਇਸਨੂੰ ਇਕੁਇਟੀ ਅਤੇ ਅਵਸਰ ਦੀ ਇੱਕ ਵਿਸ਼ਵ-ਵਿਆਪੀ ਉਦਾਹਰਨ ਵਜੋਂ ਰੱਖਿਆ ਜਾਂਦਾ ਹੈ। ਮੇਰਾ ਉਨ੍ਹਾਂ ਕੱਟੜਪੰਥੀਆਂ ਵੱਲ ਅੱਖੋਂ ਪਰੋਖੇ ਕਰਨ ਦਾ ਕੋਈ ਇਰਾਦਾ ਨਹੀਂ ਹੈ ਜੋ ਉਸ ਵਿਰਾਸਤ ਨੂੰ ਖਤਰੇ ਵਿੱਚ ਪਾਉਂਦੇ ਹਨ। ਮੈਂ ਅਮੀਰਾ ਐਲਗਾਵਾਭੀ ਅਤੇ ਉਹਨਾਂ ਸਾਰਿਆਂ ਦੇ ਨਾਲ ਖੜ੍ਹੀ ਹਾਂ ਜੋ ਸਾਰੇ ਕੈਨੇਡੀਅਨਾਂ ਵਾਸਤੇ ਇੱਕ ਬੀਅਰ ਅਤੇ ਵਧੇਰੇ ਸੰਮਿਲਨਕਾਰੀ ਭਵਿੱਖ ਦੀ ਸਿਰਜਣਾ ਕਰਨ ਲਈ ਕੰਮ ਕਰ ਰਹੇ ਹਨ

###